سؤال ارقني اريد حلا

السلم عليكم و رحمة الله و بركاته
عندي وحد السؤال راهو محيرني بزاف ي
قبل عامين برك كان الشعب الجزائري ناسي بلي عندو فريق وطني حتى اللاعبين مايعرفوهمش لكن نهار فرحونا او طلعو درجة درجة بدا الشعب الجزائري يهتم شوي او كانت المفاجئة في ام درمان او شكون ينسى هادوك ليلمات فاتو بالخف .بوتفليقة رجع السودان دوزيام الجيري او عنتر او شاوشي قلبو الدنيا او فضحو ام الدنيا عشيقة فرعون *متاسفة انها لحضة غضب* الجزائر عاشت الاستقلال للمرة الثانية و عاشت ليلة بيضاء انا و هي 18 نوفمبر من بعدها جات مباراة مالاوي او كانت الخسارة لهنا;, كامل الشعب تقلب على الفريق حتى الصحافة او قاطعو المنتخب لكن حليش الرزين سكتهم كامل مع مالي او رحنا للدور الثاني او كانت المفاجئة مع كوت ديفوار و كانت الفاجعة بالنسبة لمغني لانها اخر مباراة المهم الباقي تعرفوه
جائت المباريات الودية و الكل كان ضد سعدان او انساو بلي هو اللي رجعلهم الفرحة بعد 24 سنة من النوم ...................
او هادي المرة الضحية هم اللاعبين او قال الشعب بلي هوما سبب خسارة الجزائر في المونديال او نساو بلي المونديال هو اللي خسر فريق اسمو الجزائر والكل طالب بتغيير المدرب حتى مباراة تنزانيا; لهنا سعدان فهم روحو او استقال
جانا بن شيخة او في يدو 6 ايام فقط لتكوين الفريق لكن الشعب مازالو يحل على فمو او قالو بن شيخة ماشي مليح هههههههههههه الكل حاط روحو مدرب
انا اللي حبيت انقولو واش راهو باغي الشعب من بن شيخة و اللاعبين.علاه نهار يربحو الماتش ايوالو هوما الصيودا او نهار يخسر تخلا عليهم او ايوالو كامل ط.........
ياخي المهم جابولنا حقنا من عند اللي سبو الشهداء او فضحوهم قدام العالم كلو
في انتظار ردودكم

أو أحنا شعب متعطش للفوز بصح متعطشين فوق القانون كي يربحوا ملاح و كي يخسروا ههه نبداو نحوسوا على الأعذار الرخيصة لأننا شعب ما زال متخلفا يجمع قراراته بنتائجه

MERCI أميرة المنتدى وأعلم أن الجميع يوافقني الرأي