منتديات الاميرة التعليمية
اهلا~ وسهلا ~ بكم ~ نورتم ~ المنتدى ~ بوجودكم ~ فنرجوا تواجدكم معنا وتسجيلاتكم تهمنا ~


منتديات الاميرة التعليمية

منتديات الاميرة التعليمية ترحب باعضائها وزوارها الكرام
 
الرئيسيةالتسجيلدخول
نريد توفر اكبر عدد ممكن من الاعضاء لدلك نقول لجميع زوار المنتدى اهلا وسهلا ومرحبا بكم...نتمنى تسجيلكم
رغبة منا في تطوير وتحسين المنتدى وجب على جميع الاعضاء المشاركين معنا القيام باشهار المنتدى لجميع الاحباب والاصدقاء والقيام بكل اللوازم الضرورية من نشاط في المنتدى بكتابة مواضيع جديدة مفيدة والاقرار بالاخطاء المرتكبة من طرف الاخرين عن طريق تبليغ المدير عنها ننوه الى ان هناك اعضاء غير نشيطين في المنتدى مند تسجيلهم لدلك ننبههم بان بقاءهم على حالتهم دون اي مشاركة واي مساهمة في المنتدى ستؤدي بحدف عضوياتهم من المنتدى نهائيا المفاجاة اعتبارا من يوم25 ديسمبر 2009 قامت ادارة منتديات الامير التعليمية باضافة نقاط الى كل عضو كتب موضوعا جديدا لكن هناك اختلاف من حيث عدد النقاط فالمساهمات اي وضع الردود يساوي نقطة واحدة وكتابة موضوع في جميع الاقسام عدا اقسام التعليم الابتدائي والمتوسط والثانوي ولبكالوريا تساوي نقطتين اضافيتين ...اما اقسام الابتدائي فهي ثلاث نقاط والمتوسط كدلك اما الثانوي ف اربع نقاط والبكالورريا ب خمس نقاط بعني موضوعين في قسم البكالوريا يساوي عشر نقاط في الرصيد ونفس المثال ينطبق على الاخرين..لدلك نتمنى منكم النشاط

شاطر | 
 

 المصطلح الجديد (المرجح )

اذهب الى الأسفل 
كاتب الموضوعرسالة
اميرة المنتدى
محبوبة المنتدى
محبوبة المنتدى
avatar

السرطان عدد المساهمات : 33
نقاط التميز : 63
السٌّمعَة : 0
تاريخ التسجيل : 05/09/2010
العمر : 25
الموقع : www.zaidi.alafdal.net
الاوسمة

مُساهمةموضوع: المصطلح الجديد (المرجح )   السبت نوفمبر 20, 2010 11:16 pm

امممم ..صعيب شوية تفهّم الناس في الرياضيات بلا ورقة وستيلو

سأحاول ..وان شاء الله خير

أولا المرجح هذا صح مصطلح جديد ..بصح ما لازمش يخلعنا ، المصطلحات الجديدة كي نوالفوها تولي عادية وسهلة

كي نقولو G مرجح A و B فنحن نقصد أن G هي النقطة التي تجعل النقطتين A و B في توازن ..مثل الميزان تماماً

تكون كتلة من جهة وكتلة من جهة اخرى وفي الوسط كاين حاجة اللي تحفظ توازنهما ..وهي نقطة وحيدة ..لا ثاني لها ..

هذا هو معنى المرجح بصفة عامة ..

الآن شوفو ..احنا النقطة باش تكون مرجح لازم يكون مجموع المعاملان a و b المرفقان بـ GA -شعاع- وGB -شعاع- على الترتيب غير معدوم..هذا هو الشرط تاعنا..
إذا كان مجموعهم يساوى الصفر ماتكونش اللنقطة G مرجح A وB ..

ممبعد كي يقولك بلي G هي مرجح النقطتين A وB أو يقولك G هي مرجح الجملة المثقلة(B;b),(A;a) - والمعنى واحد - فهذا يعني أن G هي النقطة اللي تخلي A و B متوازنتان - تخيلو أن A وB كتلتان موضوعتان على كفتي الميزان ..واحد مثلا اكبر من اختها ..احنا نشوفو وين تكون G بالتحديد باش تكون الكتلتان هادوكAوB في وضع توازن ..واش نديرو ؟نروحو للعلاقة تاعنا اللي تقول

aGA+bGB+=0 .... وطبعا ماتنساوش الأشعة انا هنا ماكاش كيفاش ندير سهم مالفوق ..

هاذي العلاقة باختصار معناها أن G هي مرجح الجملة المثقلة (B;b),(A;a) حيث a وb عددان معلومان-نعرفوهم-وA وB نقطتان ثابتتان -ماهمش يتحركو،ولوكان يتحركو مصيبة Very Happy ،لوكان يتحركو ماراحش تكون G وحيدة،لأنهم كل ما يتحركو تتغير G -هكا اتخيلتها وما نعرف ..

الآن كيفاش ننشئو G ؟..نرجعو للعلاقة هاديك aGA+bGB+=0 ونعوضو بقيمتي ألفا وبيتا ..وممبعد نحسبو عادي ..

نأخذ مثالا :

A وB نقطتان متمايزتان من المستوي ..-يعني انشئهما كيفما أحببت ..المهم مايكونوش منطبقين على بعضهم -
أنشئ النقطة G مرجح الجملة المثقلة (B;5),(A;-2) .

الحل :

اولا : 5+(2-)=3=/ 0 ..إذا فعلا G هي مرجح الجملة المثقلة (B;5),(A;-2) .

لدينا : aGA+bGB+=0 أي 2GA+5GB=0- ومنه 2GA+5(GA+AB)=0-

*هنا دخلت A حسب علاقة شال هدا ماكان ، وباش ما تتخلعوش دايما نديرو هكا الطرف التاني ندخلو فيه A..

نكمل الحساب أي 2GA+5GA+5AB=0- وعليه 3GA=-5AB أي 3AG=-5AB-

*ولات بالناقص على خاطر قلبت كانت GA ولات AG*

وقلبت لكي يسهل علي تعيين النقطة G ..احنا لازم ننطلقو من نقطة ثابتة باش نعينو نقطة مجهولة ماشي العكس ..A
نعرف خلاص انا اللي عينتها ..G هي اللي راهي مجهولة ..

المهم ، النتيجة النهائية هي :AG=5/3 AB ولا نقول AG=-5AB/-3..
ماعندناش في الرياضيات حاجة واسمها شعاع تقسيم عدد ..عندنا عدد مضروب في شعاع ..فهمتو شوية ؟

الآن كملنا ..نروحو للإنشاء ، وهو بسيط

نرسمو قطعة مستقيمة AB طولها كيما نحبو احنا -كيفي- ممبعد نقسموها لـ3 قطع متساوية ، وندو 5 قطع كما هي ابتداءا من النقطة A
يعني لا كان طول AB هو ثلاث مربعات تاع الكراس ..G راح يكون مكانها بعد 5 مربعات ...

ملاحظة

اللي جاتو الطريقة هذي صعيبة يقدر يخدم بطريقة تانية أسهل بكثير ..جات من العلاقة تاعنا aGA+bGB+=0 وهي:

AG=b/a+b AB.......يعني لوكان نروح نحل المثال هداك بهاذ الطريقة نلقاها بلا تكسار الراس نفس النتيجة

AG=5/-2+5 AB...أي AG=5/3 AB

Very Happy

ما تقولوليش علاش كنتي امالا تخلطيلنا بالطريقة الاولى مادام كاين هاذ الطريقة ..لأن الطريقة الاولى هي الاهم ..هي الصح ، الثانية لربح الوقت نستعملوها وغير كي يكون هكا السؤال مباشر ..

يعني اتعلمو الاولى واتعلمو التانية ..نسحقوهم بين زوج

تطبيق :

AB قطعة مستقيمة طولها 6cm..أنشئ مرجح (B;b),(A;a) في الحالتين التاليتين :

b=-2 ; a=3
b=6 ; a=4

حاولو اديروهملنا بالطريقة الأولى والتانية ..وفقكم الله وأرجو ان اكون وفقت في شرحي

السلام عليكم
الرجوع الى أعلى الصفحة اذهب الى الأسفل
 
المصطلح الجديد (المرجح )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الاميرة التعليمية :: منتدى المرحلة الثانوية :: قسم الثانية ثانوي-
انتقل الى: